كل ما تود ان تعرفه عن سنه ساته طب ،تذاكر منين الجراحه والنسا

اخيرا بقيت سينيور ، وكلها كام شهر وتتخرج ، ركز معايا بقي هقولك خلاصه سنه ساته خلينا نخلصها علي خير واقابلك في الامتياز بقي.

* ما هي مواد سنه ساته طب ؟

علي حسب الجامعات تختلف ، في عين شمس بياخدوا جراحه ونسا واغلب جامعات مصر زيها ، اما في القصر العيني جراحه وباطنه .

ما هو مجموع الكلي لسنه ساته ؟

الجراحه 900درجه

النسا 500درجه .

لازم احضر كورسات ؟

علي حسب يادكتور ، لو انت زهقت وخلاص تعبت من ضغط الخمس سنين اللي فاتوا وحاسس مش هتذاكر لوحدك ، يبقي الكورسات حل كويس ليك .

لكن لو لسه فيك صحه ، سنه ساته سهل جداااا، وكورسات الشرح كلها متوفره فيديوهات وتسجيلات صوت في غايه الروعه.

الجراحه

اسمع لمين ؟اذاكر من كتب مين الجراحه ؟

الناس اللي بتدي جراحه كورسات كويسه جدااا وكلهم مستواهم عالي في الشرح

هكلمك علي ثلاثه اسماء

(دكتور محمد المطري _دكتور هاني رفيق --الرائع دكتور علي حسيب )

دكتور محمد المطري

الراجل ده موهوب ، اسلوبه في غايه المتعه هيحببك في الجراحه ، اسلوبه السهل الممتنع ، هتسمعله او هتحضرله الكورس هتحس كل الاحاسيس في نفس الوقت ، هتلاقي نفسك فاهم قووووي والامور سهله جداااا ولكن لما تيجي تقراء هتلاقي صعوبه في الكلام وهتبقي حابب تحفظ بنفس اسلوب شرحه .

لو استمريت معاه هتلاقي نفسك برنس في الجراحه ، ليه مصطلحات ، وليه قواعد جراحيه بيقولها بشكل كوميدي جدااا لكن علميا صح جدااااا، هيشربك الجراحه وهيحببك فيها .

ولكن لو اخترت دكتور محمد المطري خالي بالك من التالي :-

1- بيطول في الشرح ، وده لانه ببيعيد كتير وبيهزر كتير .

2- مش حريص علي اللي بيقوله القسم ، هو بيعلمك جراحه ، مالوش دعوه بيعقد قسم الجراحه .

3- محتاج طالب من نوع معين ، مش كل الطلبه بترتاح لاسلوب دكتور المطري ، فيه نوعيه طلبه عايز واحد زي دكتور الهواري في الباطنه بيدي محتوي علمي مطلق .

كتبه:-

اهم مايميز دكتور المطري هي كتبه ، هو مش بيشتغل لوحده ، معاه فريق بيعدله الكتب باحترافيه، وهيوفرلك الكتاب اللي يناسبك منها مثلا

1-الكتب الكامله :- دول ثلاث اجزاء متقسمين الي :-

الجزء الاول General surgery

الجزء الثاني GIT surgery

الجزءالثالث special surgery

. كتب مرجعيه مشروح فيها كل حاجه بالتفاصيل ، تناسبك لو انت حريص وعايز ترتب علي دفعتك .

2-كتاب summary:- كتاب جميل جدااا ملخص كل حاجه في كتاب واحد ، مركز علي اهم النقط الرئيسيه .

3-كتب surgitoons:-- بقي ملخص الملخص ، ثلاث كتب ملخص كل كتاب من الكتب الكبيره، في غايه التنسيق والجمال ، كتب مريحه جدااا، لازم تمر عليها .
دي كتب النظري ، متزهقش فيه كتب تانيه منها
*كتاب clinical :- وده اروع كتاب عملي في كل الطب
*كتاب insturment :- وده كتاب الادوات الجراحيه وعليها امتحان .
* كتاب operative:- ده كتاب بتفاصيل العمليات الجراحيه .
*كتاب radiology :- وده كتاب هام في الاوسكي مش بس صور اشعه فيه جارات وفيه صور هامه.

تسجلاته:- متوفره جداا ، وكل السنين طبعا انت هتسمع تسجلات سنتك ، لكن لو زهقت من انه بيطول في الشرح ،انصحك تسمع المراجعات النهائيه بتاعت سنه 2014 في غايه الروعه، ودكتور مطري كان مركز جدااا ومبيهزرش كتير .

دكتور هاني رفيق

الراجل ده امين في شغله ، هيعيشك داخل قسم الجراحه لو انت من طب عين شمس.

بيجدد نفسه كل سنه ، كتب لوكتور في محاضره قال جمله جديده هيضفهالك ، هتلاقي طالب معاك وبيفكر زيك ، اسلوبه شيق جداا ، بيعيد في الشرح كتير ، بيحفظ الطلبه بتوعه المنهج.

وايضا اذا اخترت دكتور هاني رفيق يجي اخذ في الاعتبار الاتي :-

1-بيطول جدااا ، وده مش عيب الدكتور ده لان المنهج كبير وتفاصيله كتيره

2- تسجيلات الصوت سئ جدااا، دكتور هاني بيتكلم بسرعه ،لو هتسمع تسجيلات هتتعقد ،هيفوتك كلام مش هتفسره،

3- محتاج طالب دحيح ، يسمع تلات ساعات صم ، اسلوبه شبيه بدكتور الهواري كدا .

كتبه

بتتغير كل سنه ، غالبا في تقسيمتها زي كتب دكتور المطري المهم بقي وتاخد بالك منه هو كتاب A to Z

الكتاب ده محترم جدااااااااا، هتحل امسكسو ونظري هتدخل شفوي وعملي بيه

كتاب جميل جدااااااا.

تسجيلاته

متوفره جدااا،. وكل السنين وحتي تسجيلات سنتك بتنزل علي جروب دكتور هاني نفسه وهو اللي حريص تنزل علشان يستفاد كل الطلبه ، لكن عيبها الصوت مش واضح ، لو هتسمع يبقي تتعود علي سرعه دكتور هاني في الشرح .

دكتور علي حسيب

جدو علي 😘 ، بص بقي ده حلاوه سنه ساته والجراحه ، الراجل ده عالم ، ليه فيديوهات شارح فيها كل الجراحه ، دي بقي لازم تمر عليها، شرح منظم بيشرح قدامك علي كيبورد ، تصوير محترف ، رسوماته روعه، الراجل ده اساسي في الجراحه ، وان كان مش هتعتمد عليه لو انت عين شمس، علشان هو تبع القصر العيني والمنهج بتاعهم اصغر شويه مننا ، لكن في كل الاحوال لازم تسمعله، هيوفرلك وقتك وفلوسك وجهدك .

النسا والولاده

اسمع لمين ؟واذاكر من كتب مين ؟

النسا ماده رخمه ، مش شبيها بالجراحه. خالص ، ماده عك فحاول انجز معاك علشان متتصعبش عليك

عندك عدد كبير من الدكاتره

(دكتور محمد عبد العليم - دكتور السكري - دكتور محمد المندوه - دكتوره نادين )

دكتور محمد عبد العليم

الراجل ده حريف نسا ، بص هو بيشرح علي السبوره المنهج في تحشيش ،لو ركزت معاه النسا خلصت حرفيا .

الراجل ده كتبه ممتازه جدااا ، علشان هو جاب كتاب القسم وصغر الخط وشالك الحاجات اللي بتكرر وقالك اتفضل النسا والولاده في كتابين كل كتاب 111صفحه

وعمل ملزمه صغيره قالك دي اسكيمات .

موخرااا دكتوره دفعتنا ، عاملت السبوره ودي بقي خلاصه الخلاصه ، سوي هتذاكر من عبد العليم او غيره لاغني عنها هتوفر جهدك كتير في الحفظ. تسجيلاته متوفره وكله تمام .

دكتور محمد السكري

هو الصوره المنعكسه لدكتور هاني رفيق في النسا ، هيعيشك في تفكير قسم النسا ، متابع جداااااا لكل كبيره وصغيره في القسم ، توقعاته قويه جداااا، بيشرح بكل امانه ، بيراجع كتير ،لا بيراجع كتير قوووووووووي

بيغير كتبه كل سنه ، بيعملك كتاب الزتونه في الفاينال بتبقي كويسه جداااااا، تسجيلاته مش بالسهوله هتلاقي بتاعت سنتك .

دكتور محمد المندوه

ده افضل من شرح النسا علي الاطلاق ، اشلوب فريد ومتميز وممتع جداااااا، ولكن للاسف مش بيدي كورسات من 2013

وللاسف التسجيلات طويله جدااااااا.

كتبه كويس الي الان وبيشرح كل حاجه بالتفصيل ، المهم بقي mindmap

دي كتاب روعه لازم تبص عليه

شارح منهج النسا والولاده كله في 100صفحه .

دكتوره نادين

دكتوره من القصر العيني بتشرح فيديو جميل جداااااا زي دكتور علي حسيب كدا في الجراحه ، كل الناس االلي سمعتها كانوا مبسوطين منها جدااااا.

المتابعون