مميزات وعيوب تخصص الرمد - تخصص الانف والاذن والحنجره -تخصص الجلديه والتناسليه .
هنتكلم هنا عن تخصصات مختلفه تتسم بالرقي والراحه النسبيه مقارنه بالتخصصات الاخري،تخصصات تناسب اي دكتور عايز يعيش بعيد عن الضغط النفسي.
الرمد (طب العيون)
تخصص الرقي والشغل النظيف ،فيه كل حاجه امراض وجراحه .تخصص لو عايز تبدع فيها وتتعلم هتلاقي غايتك .
مميزاته
1-الجانب العلمي
مش كل دكاتره الرمد بيوصله لقامه علميه البعض منهم بيكتفي بمقياس النظر واخره شغل الليزك ،لكن اللي الجانب العلمي مهم بالنسبه ليه هتلاقيه بيدوس في ماهو بالدخل من العين ويشتغل في جراحات الشبكيه .
2-الجانب الاجتماعي
طبعا في المقدمه ياباشا وليك وضعك وسط زمايلك ،متعرفش ليه بصراحه يمكن علشان فرص انك تاخد التخصص ده ف الجامعه لازم تبقي من اول اوئل الدفعه يعني لو ترتيبك العاشر علي الدفعه ممكن متلحقش تاخد نيابه ،او حتي لو وزراه صحه برضو مش هتاخد النيابه لو ترتيبك اقل من امتياز ،المهم وضعك الاجتماعي مرموق وليك تقديرك
هتتعامل مع كل طبقات المجتمع ،وهتتعامل مع كل الاعمار .
3-الجانب المادي
تخصص مربح جداااا ،لو اشتغلت بس علي امراض ضعف الابصار وتظبطلهم العدسات والنظارات هتلاقي دخلك محترم ،لو دوست بقي في الليزك هتعدي، لو اتعمقت بقي ودخلت لامراض الشبكيه هتلاقي نفسك في حته تانيه.
4-قله الضغط النفسي
حالات الطواري عندك قليله ،مش هتحصل كتير يصحيك عيان من نومك علشان حاسس نظره ضعيف ،عملياتك ميكروسكوبيه وجودتها عاليه
عيوب التخصص
مش هقدر اكلمك في عيوب التخصص ده كتير بس انا شايف انه تخصص دقيق لو اتعمقت ودوست في جراحه الشبكيه هتلاقي الغلطه بنظر انسان .
مده التخصص
مده التخصص في الجامعه تلات سنوات
وفي الزماله اربع سنوات.
تخصص الجلديه والتناسليه
ده تخصصك ياست الكل علشان ملكيش في الاخر غير بيتك وعيالك فخدي التخصص ده مناسب ليكي قوووووي .
مميزات تخصص الجلديه والتناسليه
المعادله الصعبه بتتحقق هنا ،مريح ومربح نادر ماهتلاقي تخصص كدا شغلك مريح ودخلك زي الفل .
اولا شغلك مريح معندكش نبطشيات في الليل .
ثانيا دخلك يابيه فلوس زي الفل ،بص الليزر رفع من دخلك قوووووووي ،بس اتعلمه كويس وهتلاقي نفسك في حته تانيه
ثالثا هتعرف تعيش مع اسرتك بعد عيادتك معندكش حاجه تعملها ، اقعد علي القهوه براحتك ،واسمع ماتشات دوري ابطال اروبا،وانت يادكتوره ربي عيالك علي التقي والايمان ،وروحي نادي العبي جمباز
رابعا فرص السفر يادكتوره ليك كبيره جدااااا سافري الخليج ،هتلاقي فلوس من نوع تاني.
عيوبه
بص متصدقش الكلام اللي هقوله ده ،بيقولك عيب تخصص الجلديه انه لايرضي طموحك كخريح كليه طب ،وبيقولك بعد التعب والقرف ده تتخص جلديه ،ياخي عيب الكلام ده .لكن لو عيب فعلا ف للتخصص ههو قله الاماكن اللي هتعلمك ليزك كويس او هتعلمك اندرولوجي كويس،
يعني هما اول اوئل الدفعه بس اللي عندهم فرصه الجامعه والباقي لو هيدور بره بقي علي فرصه يتعلم فيها.
تخصص الانف والاذن والحنجره
تخصص لذيذ ورايق في حته لوحده كدا،فيه جراحه وفيه باطنه ،مناسب لكلا الجنسين.
مميزاته
اولا تخصص مريح نيابته سهله معندكش نباطشيات سهر ،اخرك يتحط اسمك نباطشي طواري انف واذن وحنجره ونادر ماهيجيلك عيان بينزف من انفه.
ثانيا تخصص مربح ،بص فلوسه مش اللي هي فوق قووووي يعني ،بس هتعيشك كويس
عندك اللوز تقدر تتعلمها وانت في امتياز ،واشتغلهاخمس ست حالات اسبوعيا هتتستر معاك .
ثالثا علميا بقي لو حبيت تبدع في تخصصك وتبقي ليك مركزك دوس بقي واتعلم. زراعه القوقعه واتعلم شغل الجراحات الدقيقه بقي في تخصصك زي جراحات الغده النخاميه وان كان بتاع المخ والاعصاب بيشتغلها احسن منك طبعا.
عيوبه
بص اكبر عيب انه مسروق منك التخصص ده ،عيانيك بيروح لزمايلك بتوع الباطنه ويوم ماهبعتلك هيبقي عك .
العيب بقي اللي فعلا هيزعلك هو قله سعر عمليه اللوز اشهر عملياتك .
إرسال تعليق